სტატისტიკა |
|
სულ ონლაინში: 1 სტუმარი: 1 მომხმარებელი: 0 | |
|
|
| | |
| მთავარი » 2011 » ივლისი » 22 » დაამარცხებენ თუ არა მეცნიერები ჰანტიგტონის სინდრომს?
17:05 დაამარცხებენ თუ არა მეცნიერები ჰანტიგტონის სინდრომს? |
ამ საშინელი დაავადების მკურნალობის ეფექტური წამალი დღემდე არ არსებობს, მაგრამ კანადელი მეცნიერების მიერ ჩატარებული კვლევის შედეგებით, შესაძლებელია ასეთი პრეპარატის შექმნა.ჰანტინგტონის სინდრომი ნერვული სისტემის დაავადებაა, რომელიც გენეტიკური დარღვევებითაა განპირობებული. ამ დროს ხდება თავის ტვინის გარკვეული უბნის უჯრედების კვდომა, რაც იწვევს მოძრაობის კოორდინაციისა და არტიკულაციის დარღვევებს, ყურადღებისა და აზროვნების დასუსტებას. უფრო გვიან სტადიებზე ადამიანმა, შესაძლოა, სავსებით დაკარგოს ლაპარაკისა და გადაადგილების უნარი. ცნობილია, რომ სნეულების განვითარებაში იმ გენის მუტაციებია დამნაშავე, რომლებიც ცილას ― ჰანტიგტინს, კოდირებენ. თუმცა, დაუდგენელია, თუ რატომ იჩენენ ეს მუტაციები თავს 30 წლის შემდეგ და რატომ ხდებიან ისინი მხოლოდ თავის ტვინის მხოლოდ განსაზღვრული უჯრედების სიკვდილის მიზეზი, როცა ეს ცილა ადამიანის ორგანიზმის ყველა უჯრედშია.დეფექტურგენებიანი მოდიფიცირებული თაგვების შესწავლისას, დასავლეთ ონტარიოს (კანადა) უნივერსიტეტის მეცნიერებმა აღმოაჩინეს, რომ ადრეულ ასაკში მათში მოქმედებენ ორგანიზმის ე. წ. კომპენსატორული რეაქციები, რომლებიც მათ დაავადების განვითარებისგან იცავენ. აღმოჩნდა, რომ ამაში განსაკუთრებულ როლს თამაშობენ სპეციფიკური ე. წ. მეტაბოტროპული გლუტამატური რეცეპტორები. ამ მკვლევართა აზრით, ჰანტინგტონის შემანელებელი ან სამკურნალო პრეპარატების შექმნაზე მომუშავე მკვლევარებმა უნდა ისწავლონ ზემოქმედება სწორედ ამ მნიშვნელოვან რეცეპტორებზე.
|
ნანახია: 2617 |
დაამატა: guka-2001
| რეიტინგი: 0.0/0 |
| |
| | |
|
|