ჩერნოგორიის ან მონტენეგროს რესპუბლიკა (სერბულ-ხორვატული ენის კირილურ ვარიანტზე Црна Гора / ლათინურ ვარიანტზე Crna Gora წარმოითქმის როგორც [ცრნაგორა]) - ქვეყანა სამხრეთ-აღმოსავლეთ ევროპაში; ესაზღვრება ადრიატიკის ზღვასა და ხორვატიას დასავლეთით, ბოსნიასა და ჰერცეგოვინას ჩრდილოეთით, სერბეთს აღმოსავლეთით და ალბანეთს სამხრეთით. დედაქალაქი არის პოდგორიცა.
გვიანდელი შუა საუკუნეებიდან 1918 წლამდე დამოუკიდებელი სამეფო იყო. შემდეგ იუგოსლავიის სხვადასხვა ფორმის ინკარნაციებისა და ყველაზე გვიან სერბიისა და მონტენეგროს კავშირის წევრი იყო. 2006 წლის 21 მაისის რეფერენდუმის შედეგების მიხედვით ჩერნოგორიამ 2006 წლის 3 ივნისს დამოუკიდებლობა გამოაცხადა.
